Hyderabad : నేడు పాతబస్తీలో ప్రచారం చేయనున్న అమిత్ షా
కేంద్ర హోంమంత్రి అమిత్ షా ఈరోజు హైదరాబాద్‌లోని ఓల్డ్‌సిటీలో బీజేపీ ఎంపీ అభ్యర్థి మాధవీ లత త‌రుపున ప్రచారం చేయనున్నారు.
Amit Shah to campaign in Old City of Hyderabad today
కేంద్ర హోంమంత్రి అమిత్ షా ఈరోజు హైదరాబాద్‌లోని ఓల్డ్‌సిటీలో బీజేపీ ఎంపీ అభ్యర్థి మాధవీ లత త‌రుపున ప్రచారం చేయనున్నారు. తెలంగాణ బీజేపీ అధ్యక్షుడు జి.కిషన్‌రెడ్డి, రాజ్యసభ ఎంపీ కె.లక్ష్మణ్‌ తదితరులు ఈ ప్రచారంలో పాల్గొంటారు. ఈరోజు సాయంత్రం 4:30 గంటలకు మహంకాళి ఆలయం నుంచి లాల్దర్వాజ, సుధా టాకీస్, శాలిబండ, హైదరాబాద్ వరకు రోడ్‌షో సాగ‌నుంది. బీజేపీ అగ్రనేత అమిత్ షా ఓల్డ్ సిటీలో ఎన్నికల ర్యాలీలో పాల్గొనడం ఇదే తొలిసారి.
అంతకుముందు కేంద్ర సమాచార, ప్రసార శాఖ మంత్రి అనురాగ్ ఠాకూర్ మాధవీ లత నామినేషన్ ర్యాలీలో పాల్గొని బీజేపీ అభ్యర్థికి మద్దతు ఇవ్వాలని ప్రజలకు విజ్ఞప్తి చేశారు. మాధవీ లత నామినేషన్ ర్యాలీ సందర్భంగా గోషామహల్ ఎమ్మెల్యే టి రాజా సింగ్ హాజరుకాకపోవడంతో.. నేటి రోడ్‌షోకు హాజరవుతారా లేదా అనేది ఉత్కంఠ నెల‌కొంది.
2024 లోక్‌సభ ఎన్నికల నాలుగో దశలో తెలంగాణలోని హైదరాబాద్ పార్లమెంట్ స్థానంతో సహా మొత్తం 17 స్థానాలకు మే 13న పోలింగ్ జరగనుంది. 2019 సార్వత్రిక ఎన్నికల్లో తెలంగాణ రాష్ట్ర సమితి (టీఆర్‌ఎస్) తొమ్మిది సీట్లు, భారతీయ జనతా పార్టీ నాలుగు, కాంగ్రెస్ మూడు, ఏఐఎంఐఎం ఒక సీటు గెలుచుకున్నాయి.
