Telugu Film Industry in Amaravati: భవిష్యత్తులో అమరావతికి సినీ పరిశ్రమ

అమరావతి టీడీపీ కేంద్ర కార్యాలయంలో మీడియాతో చిట్‌చాట్‌ చేసినన ఏపీ సీఎం చంద్రబాబునాయుడు(CM Chandrababu Naidu) పలు కీలక విషయాలు పంచుకున్నారు. సినిమా రంగంలో భవిష్యత్తులో అమరావతి(Amaravati) కూడా ప్రభావం చూపే ప్రాంతం అవుతుందని.. మొదట్లో సినిమా రంగానికి బెజవాడ కేంద్ర స్థానంగా ఉండేది.. తర్వాత తెలుగు సినిమా పరిశ్రమ హైదరాబాద్‌(Hyderabad)కు తరలి వచ్చినా ఆదాయపరంగా కోస్తా ప్రాంతమే సినిమా రంగానికి కీలకంగా ఉండేదని చంద్రబాబు అన్నారు. హైదరాబాద్ జనాభా కోటి దాటి పోయి అక్కడ సినిమా రంగానికి ఆదాయం పెరిగింది.. దీంతో ఆ రంగంలో హైదరాబాద్ ప్రాముఖ్యం విస్తరించింది. కానీ ఇప్పుడు పరిస్థితి మారింది.. తెలుగు సినిమాలకు ఇప్పుడు విదేశాల్లో ఎక్కువ ఆదాయం వస్తోంది. విదేశాలను దృష్టిలో పెట్టుకొని సినిమాల తయారీ, పంపిణీ జరుగుతోందని.. అయినా ఆదాయపరంగా రెండు తెలుగు రాష్ట్రాల్లో హైదరాబాద్‌దే ప్రముఖ స్థానం

భవిష్యత్తులో అమరావతి కూడా ప్రభావం చూపించే స్థాయికి రావచ్చని సీఎం చంద్రబాబు అన్నారు.