Madhavi Latha Emotional Post : లైవ్‌లో ఏడ్చేసిన మాధవీలత

మాధవీలత, జేసీ ప్రభాకర్‌రెడ్డి మధ్య జరిగిన వివాదం అందరికీ తెలిసిందే. డిసెంబర్ 31న జేసీ ప్రభాకర్‌రెడ్డి ఏర్పాటు చేసిన పార్టీకి మహిళలు వెళ్లకూడదని చేసిన మాధవీలత వ్యాఖ్యలపై జేసీ సంచలన వ్యాఖ్యలు చేశారు. మాధవీలత ఓ ప్రాస్టిట్యూట్ అంటూ చేసిన వ్యాఖ్యలపై మాధవీలత కూడా మండి పడ్డారు. ఈ వివాదం ఇలా నడుస్తున్న క్రమంలో మాధవీలత సోషల్‌ మీడియాలో ఓ వీడియో పోస్టు చేసింది. సెల్ఫీ వీడియోలో ఆమె ఏడ్చుతూ కనపడింది. ఈ సందర్భంగా తను ఓ పోస్టు కూడా చేసింది. ''చాలా ప్రయత్నం చేశా , కానీ నేను మనిషినే …నా ఆత్మ గౌరవం మీద జరిగిన దాడి … ..నాకున్న బాధను వర్ణించే పదాలు లేవు. ప్రతి క్షణం వేదనతో నిండి ఉంది. కోపం, నిరాశ, ఆవేదన , దుఃఖం ..అన్నీ ఒకేసారి నన్ను కుదిపేస్తున్నాయి. కానీ, ఎన్నోసార్లు ఎందరో నా ఆత్మవిశ్వాసాన్ని చిదిమేయాలని ప్రయత్నం చేశారు , పదే పదే ఇవే మాటలన్నారు ఎవరో వస్తారని ఎప్పుడు ఆశపడలేదు. సమాజం కోసం నేను సైతం అనుకున్నా. నా పార్టీ ( ప్రజల) కోసం , మహిళల కోసం , హిందూ ధర్మం కోసం మాత్రమే నిస్వార్థంగా నా వంతుగా నేను పోరాడుతున్నాను. రూపాయి తీసుకున్నది లేదు ..ఎవరికీ ద్రోహం చేసింది లేదు , మోసం చేసింది లేదు , కానీ కక్ష గట్టి మాటలంటూ ఉన్నారు. ఆడపిల్లగా ఎప్పుడు నేను sympathy game ఆడలేదు women favor laws ని ఉపయోగించలేదు. మగాడిలా పోరాడుతూనే ఉన్నాను. ఈ కష్టాలను అధిగమిస్తాను. నా ధైర్యాన్ని కోల్పోను. నాకు కుటుంబం , స్నేహితులు ఉన్న సరే నా అభిమానులు , సోషల్ మీడియాలో నన్ను ఫాలో అవుతున్న ఎందరో శ్రేయోభిలాషులు ఉన్నారు. నా బాధని మీతో పంచుకున్నందుకు.. క్షమించండి … మీ ప్రేమ అభిమానం , ఆశీర్వాదాలు నాకు శక్తిని ఇస్తాయి …మీ మాధవీలత'' అంటూ ఏడుస్తూ పోస్టు చేసింది