Lady Aghori Marriage : అఘోరీ నా మొగుడే.. సంసార సుఖం లేకున్నా 'ఆయనే మా ఆయన'..!!

తెలుగు రాష్ట్రాల్లో "లేడీ అఘోరీ(Lady Aghori)" గురించి కొన్ని నెలలుగా ఆంధ్రప్రదేశ్(AP), తెలంగాణ(Telangana)లో చర్చనీయాంశమైంది. "లేడీ అఘోరీ" అని పిలవబడే వ్యక్తి తెలుగు రాష్ట్రాల్లో వివిధ ప్రాంతాల్లో పర్యటిస్తూ గత ఏడాది చివరి నుంచి వార్తల్లో నిలుస్తోంది. ఈ వ్యక్తి ఆధ్యాత్మిక సాధనలు, అఘోరీ సంప్రదాయాన్ని అనుసరిస్తూ, సాధారణ సమాజంలో విభిన్నమైన రీతిలో కనిపిస్తుంది. అఘోరీలు సాధారణంగా శైవ సంప్రదాయంలోని ఒక శాఖకు చెందిన సాధువులు, వీరు శ్మశానాల్లో సాధన చేయడం, సమాజం నుంచి దూరంగా ఉండటం వంటి ఆచారాలకు ప్రసిద్ధి. గత ఏడాది నవంబర్ 15, 2024న వరంగల్‌(Warangal)లోని భద్రకాళి ఆలయంలో లేడీ అఘోరీ కనిపించింది. ఆమె మామునూరు నుంచి ఆలయం వరకు పాదయాత్ర చేసింది, దీంతో జనం తండోపతండాలుగా గుమిగూడారు. అమ్మవారి మహిమలు తనకు తెలుసని, తన కష్టాలను అమ్మవారికి చెప్పుకోవడానికి వచ్చానని, లోక కళ్యాణం కోసం సనాతన ధర్మాన్ని పాటిస్తున్నానని చెప్పింది. తదుపరి కుంభమేళకు వెళ్లి తన గురువులను కలవాలని ఉద్దేశ్యం ఉందని తెలిపింది.

నవంబర్ 7, 2024న శ్రీకాళహస్తి ఆలయంలో లేడీ అఘోరీ దర్శనం చేసుకుంది. మొదట ఆమె నగ్నంగా రావడంతో ఆలయ అధికారులు అడ్డుకున్నారు. తర్వాత ఎర్రటి సాంప్రదాయ దుస్తులు ధరించి స్వామివారిని దర్శించుకుంది.

2025 ఏప్రిల్‌లో లేడీ అఘోరీ, మంగళగిరి(Mangalagiri)కి చెందిన శ్రీవర్షిణి(Sri Varshini) అనే యువతిని పెళ్లి చేసుకున్నట్లు వార్తలు వచ్చాయి, ఇది పెద్ద సంచలనంగా మారింది. వీరు విజయవాడ కనకదుర్గమ్మ గుడి(KanakaDurgamma temple)లో పెళ్లి చేసుకున్నట్లు ప్రచారం జరిగింది. గతంలో శ్రీవర్షిణి తన ఇంటికి లేడీ అఘోరీకి బట్టలు తీసుకెళ్లి ఇచ్చింది, అక్కడి నుంచి వీరి సంబంధం మొదలైందని చెప్తున్నారు. తర్వాత వీరిద్దరూ వివిధ రాష్ట్రాలు తిరిగారు, చివరికి గుజరాత్ పోలీసులకు పట్టుబడ్డారు. పోలీసులు శ్రీవర్షిణిని ఆమె తల్లిదండ్రులకు అప్పగించారు. శ్రీవర్షిణి ఒక టీవీ ఇంటర్వ్యూలో, లేడీ అఘోరీ తనకు నచ్చాడని, సంసార సుఖం లేకపోయినా తన మనసులో అతనే భర్త అని, ఇష్టపూర్వకంగా పెళ్లి చేసుకున్నానని చెప్పింది. ఆమె ఆధ్యాత్మిక జీవితం గడపాలని, అనాథ బిడ్డను పెంచుకోవాలని చూస్తున్నామన్నారు. లేడీ అఘోరీ కూడా పెళ్లి తర్వాత 10 రోజులు వివిధ గుళ్లు దర్శించుకున్నట్లు చెప్పింది. వీరు తమ పెళ్లిని రహస్యంగా ఉంచాలని, సమాజం కోసం "తల్లీ-బిడ్డ" అని చెప్పుకున్నామని వెల్లడించారు.

శ్రీవర్షిణి తల్లిదండ్రులు, లేడీ అఘోరీ తమ కూతురిని కిడ్నాప్ చేసిందని, మత్తు మందులతో వశం చేసిందని మంగళగిరి పోలీస్ స్టేషన్‌లో ఫిర్యాదు చేశారు. గుజరాత్‌(gujarat)లో వీరిద్దరూ పోలీసులకు పట్టుబడ్డప్పుడు, శ్రీవర్షిణిని తల్లిదండ్రులకు అప్పగించారు. కానీ, ఆమె మళ్లీ లేడీ అఘోరీ దగ్గరికి వెళ్లిపోయింది. తాజాగా శ్రీవర్షిణి, లేడీ అఘోరీ కలిసి ఓ టీవీ స్టూడియోలో కనిపించారు. వీరు తమ పెళ్లిని, ప్రేమను బహిరంగంగా చెప్పుకున్నారు. తమను విడదీస్తే ప్రాణాలు తీసుకుంటామని కూడా అన్నారు. శ్రీవర్షిణి తన సోదరుడు విష్ణుని విలన్‌గా చెప్పింది, అతను తమ పెళ్లిని వ్యతిరేకిస్తూ, తనను గతంలో కొట్టాడని ఆరోపించింది.