Raja Singh: ఓవైసీ కాలేజీని ఎప్పుడు కూలుస్తారో చెప్పండి: రాజా సింగ్

హైదరాబాద్ నగరంలో హైడ్రా ఎన్నో అక్రమ కట్టడాలను కూల్చి వేస్తున్న సంగతి తెలిసిందే. హైడ్రా ద్వారా రాజకీయ కక్ష సాధింపులకు పాల్పడుతూ ఉన్నారనే విమర్శలు కూడా వచ్చాయి. తాజాగా గోషామహల్ ఎమ్మెల్యే రాజా సింగ్ హైడ్రా విషయంలో సంచలన వ్యాఖ్యలు చేశారు. ఓవైసీకి చెందిన ఫాతిమా కాలేజీని ఎప్పుడు కూలుస్తారో చెప్పాలని హైడ్రా చీఫ్ రంగనాథ్ ను రాజా సింగ్ ప్రశ్నించారు. ఏ రోజు కూలుస్తారో సమయం చెప్పాలని తెలంగాణ సీఎం రేవంత్ రెడ్డిని కూడా నిలదీశారు. ఆ కాలేజీలు కూల్చేస్తే మీరే హీరో అవుతారని అన్నారు. వాటిని వదిలేస్తే మాత్రం హైడ్రా మిషన్ విఫలం అయినట్లేనని రాజాసింగ్ సంచలన వ్యాఖ్యలు చేశారు.