Telangana : విద్యాశాఖ కీల‌క నిర్ణ‌యం.. స్కూల్ టైమింగ్స్ మార్పు..!
తెలంగాణ రాష్ట్ర విద్యాశాఖ నిర్ణయంతో తెలంగాణలోని పాఠశాలల వేళలు మారాయి. పాఠశాల పని వేళల సర్దుబాటుకు సంబంధించి విద్యాశాఖ ఉత్తర్వులు జారీ చేసింది
By : Eha Tv
Update: 2024-07-21 03:48 GMT
తెలంగాణ రాష్ట్ర విద్యాశాఖ నిర్ణయంతో తెలంగాణలోని పాఠశాలల వేళలు మారాయి. పాఠశాల పని వేళల సర్దుబాటుకు సంబంధించి విద్యాశాఖ ఉత్తర్వులు జారీ చేసింది. ఈ ఉత్తర్వుల ప్రకారం.. రాష్ట్రంలోని ప్రభుత్వ ఉన్నత పాఠశాలలు ఇకపై ఉదయం 9 గంటల నుంచి సాయంత్రం 4:15 గంటల వరకు పనిచేస్తాయి. గతంలో ఈ పాఠశాలలు ఉదయం 9:30 గంటల నుంచి సాయంత్రం 4:45 గంటల వరకు నడిచేవి.
ప్రాథమిక, ప్రాథమికోన్నత పాఠశాలలు ఉదయం 9 గంటల నుంచి సాయంత్రం 4.15 గంటల వరకు యథావిధిగా కొనసాగుతాయని విద్యాశాఖ అధికారులు స్పష్టం చేశారు. హైదరాబాద్, సికింద్రాబాద్ జంట నగరాలు మినహా తెలంగాణ జిల్లాల్లోని అన్ని పాఠశాలలకు సమయాల్లో మార్పులు వర్తిస్తాయి. జంట నగరాల్లో పాఠశాలలు ఉదయం 8:45 గంటల నుంచి సాయంత్రం 4 గంటల వరకు కొనసాగుతాయి.