Pakistan T20 World Cup: టీ20 ప్రపంచ కప్ నుండి పాకిస్థాన్ అవుట్
టీమిండియా, యుఎస్ఏ జట్ల మీద ఓటమి పాలైన పాకిస్థాన్ జట్టు టీ20 ప్రపంచ కప్ నుండి నిష్క్రమించింది. సూపర్-8 దశకు కూడా చేరుకోకుండానే పాకిస్థాన్ జట్టు నిష్క్రమించింది. శుక్రవారం ఫ్లోరిడాలోని లాడర్‌హిల్‌లో అమెరికా- ఐర్లాండ్ జట్ల మధ్య జరగాల్సిన మ్యాచ్ వర్షం కారణంగా రద్దవ్వడంతో పాక్ సూపర్ 8 ఆశలు గల్లంతయ్యాయి. ఈ మ్యాచ్ వర్షం కారణంగా రద్దు కావడంతో ఇరు జట్లకు చెరో పాయింట్ లభించింది. 5 పాయింట్లలో యూఎస్ఏ జట్టు సూపర్-8 దశకు అర్హత సాధించింది. జూన్ 16న ఐర్లాండ్‌తో పాకిస్థాన్ తన చివరి లీగ్ మ్యాచ్‌ను ఆడనుంది. ఆ మ్యాచ్‌లో విజయం సాధించినా ఆ జట్టు వద్ద 4 పాయింట్లు మాత్రమే ఉంటాయి. గ్రూప్-ఏలో ఇతర జట్లేవీ 5 పాయింట్లు సాధించే అవకాశం లేదు. కాబట్టి 5 పాయింట్ల ఉన్న అమెరికా, 6 పాయింట్లతో ఉన్న భారత్ ఎలాంటి సమీకరణాలతో సంబంధం లేకుండా సూపర్-8లోకి అడుగుపెట్టాయి. భారత జట్టు గ్రూప్ లో టాపర్ గా నిలిచింది.