Hardik-Natasa : అధికారికంగా విడిపోయిన హార్దిక్, నటాసా స్టాంకోవిచ్‌

స్టార్ ఇండియా ఆల్‌రౌండర్ హార్దిక్ పాండ్యా, నాలుగేళ్ల అనుబంధం తర్వాత భార్య నటాసా స్టాంకోవిచ్‌తో విడిపోతున్నట్లు గురువారం ప్రకటించారు. ఈ నిర్ణయాన్ని దంపతులు తమ అధికారిక ఇన్‌స్టాగ్రామ్ ఖాతాల‌లో సంయుక్త ప్రకటన ద్వారా వెల్లడించారు. పాండ్యా, స్టాంకోవిచ్ మే 31, 2020న వివాహం చేసుకున్నారు. అదే సంవత్సరం జూలై 30న వారికి మొదటి బిడ్డ కుమారుడు అగస్త్య పుట్టాడు. ఫిబ్రవరి 14, 2023న ఉదయపూర్‌లో ఓ పెద్ద వేడుక ద్వారా సన్నిహితులు, కుటుంబ సభ్యుల సమక్షంలో వారు మ‌రోమారు ఘ‌నంగా వివాహం చేసుకున్నారు.

4 సంవత్సరాలు కలిసి ఉన్న తర్వాత, నటాసా, నేను పరస్పరం విడిపోవాలని నిర్ణయించుకున్నాము. ఇది మా ఇద్దరికీ మంచి ప్రయోజనం చేకూరుస్తుందని మేము నమ్ముతున్నామని ప్ర‌క‌ట‌న ద్వారా తెలియ‌జేశారు. మేము అగస్త్యతో ఆశీర్వదించబడ్డాము. అతడు మా ఇద్దరి జీవితాలకు మధ్యలో ఉంటాడు. అతడి సంతోషం కోసం మనం చేయగలిగినదంతా అతడికి చేసేలా మేము తల్లిదండ్రులుగా ఉంటాము. ఈ క్లిష్ట సమయంలో మా గోప్యకు భంగం క‌లిగించ‌కూడ‌ద‌ని.. మీ అంద‌రి మ‌ద్ద‌తు కావాల‌ని అభ్య‌ర్ధించారు. ఇదిలావుంటే.. సెర్బియా మూలాలున్న‌ స్టాంకోవిక్ ముంబైకి చెందిన మోడల్, నటి. ప్రకాష్ ఝా దర్శకత్వం వహించిన సత్యాగ్రహ అనే పొలిటికల్ డ్రామాతో ఆమె బాలీవుడ్ లో అడుగుపెట్టింది.