Paris Olympics 2024 : ఐఓఏకు బీసీసీఐ భారీ సాయం.. జై షా ప్రకటన
పారిస్ ఒలింపిక్స్ ప్రారంభానికి ఇంకా ఏడు రోజుల సమయం ఉంది. ఒలింపిక్స్ కోసం భారత్ 117 మంది ఆటగాళ్లను పారిస్‌కు పంపింది.
పారిస్ ఒలింపిక్స్ ప్రారంభానికి ఇంకా ఏడు రోజుల సమయం ఉంది. ఒలింపిక్స్ కోసం భారత్ 117 మంది ఆటగాళ్లను పారిస్‌కు పంపింది. వారు ప‌త‌కాల‌తో తిరిగి రావాల‌ని అంతా ఆశిస్తున్నారు. ఈ నేప‌థ్యంలోనే భారత క్రికెట్ కంట్రోల్ బోర్డు (బీసీసీఐ) సెక్రటరీ జై షా ఓ పెద్ద ప్రకటన చేశారు. భారత ఒలింపిక్ సంఘం (ఐఓఏ)కి ఆర్థిక సాయం చేస్తున్నట్లు ప్రకటించారు. ఈ సమాచారాన్ని ఆయన ట్వీట్ చేశారు.
ఐఓఏకు బోర్డు రూ.8.5 కోట్ల ఆర్థిక సాయం అందించనుందని బీసీసీఐ కార్యదర్శి తెలిపారు. "2024 పారిస్ ఒలింపిక్స్‌లో భారతదేశానికి ప్రాతినిధ్యం వహిస్తున్న మా అద్భుతమైన అథ్లెట్లకు BCCI మద్దతు ఇస్తుందని ప్రకటించడానికి నేను గర్వపడుతున్నాను. ప్రచారం కోసం మేము IOAకి రూ. 8.5 కోట్లు అందిస్తున్నాము. మా మొత్తం బృందానికి, మేము మీకు శుభాకాంక్షలు తెలియజేస్తున్నాము. భారతదేశం గర్వించేలా ప్ర‌ద‌ర్శ‌న చేయండ‌ని ట్వీట్ చేశారు.
BCCI ప్రోత్సాహ‌కాన్ని కేంద్ర మంత్రి డాక్టర్ మన్సుఖ్ మాండవియా ప్రశంసించారు. "పారిస్ ఒలింపిక్స్ 2024లో పాల్గొన‌డానికి వెళ్లిన మన భారత బృందానికి బలమైన మద్దతు ఇచ్చినందుకు నేను BCCIకి కృతజ్ఞతలు తెలుపుతున్నాను. మన దేశానికి ప్రాతినిధ్యం వహిస్తున్న ప్రతి అథ్లెట్‌ను చూసి మేము గర్విస్తున్నాము. మీరు చాలా కాంతివంతంగా ప్రకాశిస్తారు! మా అథ్లెట్ల ప్ర‌ద‌ర్శ‌న‌కై మొత్తం దేశం ఉత్సాహంగా ఉందని పేర్కొన్నారు.