Junior Doctor Rape : జూనియర్ డాక్టర్‌పై జూ.డాక్టర్‌ అత్యాచారం..!
మధ్యప్రదేశ్‌లోని గ్వాలియర్‌లోని గజరాజా మెడికల్‌ కాలేజ్‌లో దారుణం చోటు చేసుకుంది.
మధ్యప్రదేశ్‌లోని గ్వాలియర్‌లోని గజరాజా మెడికల్‌ కాలేజ్‌లో దారుణం చోటు చేసుకుంది. ప్రభుత్వ మెడికల్‌ కళాశాల ఆవరణలోని ఉపయోగంలో లేని హాస్టల్‌లో ఓ జూనియర్ డాక్టర్‌(25) తోటి వైద్యురాలిపై అత్యాచారానికి పాల్పడ్డాడు. నిందితుడు, బాధితురాలు వేర్వేరు హాస్టళ్లలో ఉంటూ చదువుకుంటున్నారు. నిందితుడు కాలేజీ ఆవరణలోనే ఉన్న ఉపయోగంలో లేని బాయ్స్‌ హాస్టల్‌లోకి రావాలని బాధితురాలిని కోరాడు. అంగీకరించి అక్కడికి వెళ్లిన బాధితురాలిని బెదిరించి అత్యాచారానికి పాల్పడ్డాడు. ఘటనపై బాధితురాలు కాంపు పోలీస్‌స్టేషన్‌లో ఫిర్యాదు చేసింది. సంబంధిత సెక్షన్ల కింద కేసు నమోదు చేసి, నిందితుడిని అదుపులోకి తీసుకున్నట్లు నగర ఎస్‌పీ అశోక్‌ జడొన్‌ చెప్పారు. కేసు దర్యాప్తు కొనసాగుతోందన్నారు.
Next Story
