Google Chrome: గూగుల్ క్రోమ్ ను ఉపయోగిస్తున్నారా.. మీకిదే హెచ్చరిక

CERT-In ప్రకారం, Google వెబ్ బ్రౌజర్‌లోని భద్రతా లోపాలు ఆన్‌లైన్ లో దాడి చేసేవారికి ఉపయోగపడతాయని తెలుస్తోంది. CERT-In అడ్వైజరీ ప్రకారం, Windows కోసం 128.0.6613.113/.114, Mac కోసం 128.0.6613.113/.114, Linux కోసం 128.0.6613.113కి ముందు Google Chrome సంస్కరణల్లో తాజా దుర్బలత్వాలు గుర్తించారు. ఈ లోపాల కారణంగా మీ డేటాకు అత్యంత ప్రమాదం పొంచి ఉంది.

ఈ ప్రమాదాలను తగ్గించడానికి, Google Chrome వినియోగదారులందరూ వెంటనే తమ బ్రౌజర్‌లను తాజా వెర్షన్‌కి అప్‌డేట్ చేయాలని CERT-In సిఫార్సు చేసింది. ఈ దుర్బలత్వాల కోసం Google ఇప్పటికే ప్యాచ్‌లను విడుదల చేసింది. Windows, Mac కోసం 128.0.6613.113/.114, Linux కోసం 128.0.6613.113 అప్డేట్స్ ఉన్నాయి. అందువల్ల వీలైనంత త్వరగా మీ బ్రౌజర్‌ని అప్‌డేట్ చేసుకోవడం మంచిది.