Kissik Song : కిస్సిక్‌ సాంగ్‌ ఊ అంటావా మామను బీట్‌ చేస్తుందా?

అల్లు అర్జున్‌(Allu arjun)-సుకుమార్‌(Sukumar) కాంబినేషన్‌లో వచ్చిన పుష్ప(Pushpa) సినిమా దేశ వ్యాప్తంగా విజయం సాధించింది. బాక్సాఫీసు దగ్గర కలెక్షన్ల వర్షం కురిపించింది. అల్లు అర్జున్‌కు జాతీయ ఉత్తమ నటుడు(National award) అవార్డు వచ్చేలా చేసింది. పాటలు మారుమోగాయి. ఆ సినిమాకు కొనసాగింపుగానే పుష్ప 2 తీశారు. ఇది డిసెంబర్‌ 5వ తేదీన ప్రేక్షకుల ముందుకు రాబోతున్నది. రీసెంట్‌గా కిస్సిక్‌(Kissik) అనే ఐటమ్‌ సాంగ్‌ను శ్రీలీలపై(sreeleela) చిత్రీకరించారు. ఈ పాట బాగానే ఉంది. కాకపోతే ఇప్పుడు ప్రేక్షకులు ఆ పాటను ఊ అంటావా మామ పాటతో పోల్చి చూస్తున్నారు. ఉంటే గింటే అంతకు మించి ఉండాలి. లేదా ఆ పాటతో సరిసమానంగానైనా ఉండాలి. కిస్సిక్‌ సాంగ్‌కు ఆ స్థాయి లేదని పెదవి విరుస్తున్నారు. తినగ తినగా వేము తియ్యనగును అన్నట్టు వినగ వినగా పాట ఇంపుగా అనిపిస్తుంది. కిస్సిక్‌ సాంగ్‌ అలా హిట్టవుతుందని అనుకుంటే ఆ ఛాన్స్‌ లేకుండా లేదంటున్నారు కొందరు. పాటలో కొత్తదనం లేదని, మ్యూజిక్‌ కూడా గొప్పగా లేదని చెబుతున్నారు. కొత్త స్టెప్పులేమీ ఈ పాటలో కనిపించలేదు. సినిమా విడుదల అయిన తర్వాత ఈ పాట హిట్‌ అవుతుందేమో చూడాలి.