Pushpa Pre Release : పుష్ప 2 ప్రీ రిలీజ్‌ ఈవెంట్‌కు పర్మిషన్‌... ఎక్కడ జరుపుతున్నారంటే...!

ఐకాన్‌ స్టార్‌ అల్లు అర్జున్‌(Allu Arjun)- స్టార్‌ డైరెక్టర్‌ సుకుమార్‌(Sukumar) కాంబినేషన్‌లో రూపుదిద్దుకున్న పుష్ప 2(Pushpa-2) డిసెంబర్‌ 5వ తేదీన ప్రేక్షకుల ముందుకు రాబోతున్నది. అభిమానులంతా సినిమా కోసం ఆసక్తిగా ఎదురుచూస్తున్నారు. అంతకంటే ఎక్కువగా ప్రి రిలీజ్‌ ఈవెంట్‌(Pre release event) కోసం ఎదురుచూస్తున్నారు. అయితే హైదరాబాద్‌లో ఈవెంట్‌ జరుగుతుందా లేదా అన్న సందేహం ఉండేది. అందుకు కారణం గ్రేటర్‌లో నవంబర్‌ 28 వరకు 144 సెక్షన్‌ అమలులో ఉంది. సిటీలో సమావేశాలకు, ర్యాలీలకు ఆ రోజు వరకు అనుమతి లేదు. సినిమాలకు సంబంధించి అవుట్ డోర్ ఫంక్షన్స్ కు అనుమతులు దొరకని నేపథ్యంలో పుష్ప -2 కు నిర్మాతలు టెన్షన్ పడ్డారు. మరో మూడు రోజుల్లో ఈ కర్ఫ్యూ గడువు ముగుస్తుంది. దీంతో తెలుగు ప్రీ రిలీజ్ ఈవెంట్ ను భారీ ఎత్తున నిర్వహించాలని ప్లాన్ చేసారు మేకర్స్. హైదరాబాద్ లోని ఎల్బీ స్టేడియం(LB stadium) లో చేసేందుకు అనుమతులు కోరారు. కానీ మైత్రీ వాళ్ళు కోరుకున్న రోజున ఎల్‌బీ స్టేడియంలో శ్రేయా ఘోషల్(Shreya goshal) కాన్సర్ట్ ఉండటంతో అక్కడ పుష్ప ఈవెంట్ చేసేందుకు కుదరలేదు. ఇక గచ్చిబౌలి స్టేడియంలో అయినా చేసుకునేందుకు అనుమతి కోరగా అందుకు ప్రభుత్వం పర్మిషన్ ఇవ్వడం లేదు. ఇలా వివిధ కారణాల వలన పుష్ప ప్రీ రిలీజ్ ఈవెంట్ ను యూసఫ్ గూడా పోలీస్ గ్రౌండ్ లో చేసుకోవాలని సూచించగా అందుకు అంగీకరించారు మైత్రీ మూవీస్ నిర్మాతలు. ప్రభుత్వం కూడా పర్మిషన్‌ ఇచ్చేసింది. దీంతో పుష్ప ఈవెంట్ ను భారీ స్థాయిలో నిర్వహించాలనుకుంటోంది.