Devara-2 : ఇంతకీ దేవర 2 సినిమా ఉంటుందా?

ఎన్టీఆర్‌(NTR)-కొరటాల శివ(Koratala shiva) కాంబినేషన్‌లో వచ్చిన దేవర(Devara) సినిమా బాగానే హిట్టయ్యింది. నిర్మాతలకు లాభాలు తెచ్చిపెట్టిందని అంటున్నారు. హిట్‌ కొట్టింది కాబట్టి దేవర 2(Devara-2) ప్రాజెక్టు ఈ పాటికి పట్టాలు ఎక్కి ఉండాల్సింది. కానీ ఆ ఛాయలేమీ కనిపించడం లేదు. ఎన్టీఆర్‌ ఏమో వరుస సినిమాలతో బిజీగా ఉన్నారు. ఇప్పుడాయన హిందీ సినిమా వార్‌ 2లో(War-2) నటిస్తున్నారు. దీంతో పాటు ప్రశాంత్‌ నీల్(Prashanth neel) సినిమా కూడా సెట్స్‌ మీదకు వెళ్లనుంది. ఈ సినిమా తర్వాత మరో బాలీవుడ్‌ సినిమాకు ఎన్టీఆర్‌ సైన్‌ చేశాడని అంటున్నారు. సితార ఎంటర్‌టైన్‌మెంట్ నీల్సన్‌ దర్శకత్వంలో ఎన్టీఆర్‌తో ఓ సినిమా ప్లాన్‌ చేసింది. ఎన్టీఆర్‌ కూడా ఒప్పేసుకున్నారు. ఇవన్నీ పూర్తవ్వడానికి ఎంత కాదనుకున్నా ఓ మూడేళ్లు పడుతుంది. మరి దేవర సినిమా సంగతేమిటి? పోనీ కొరటాల శివ అయినా స్క్రిప్ట్ వర్క్‌ మీద ఉన్నారా అంటే అలా కూడా అనిపించడం లేదు. దేవర సినిమా 500 కోట్ల రూపాయలు వసూలు చేసిందని చెబుతున్నారు. అయినప్పటికీ ఎన్టీఆర్‌లో ఓ రకమైన అసంతృప్తి ఉన్నదని అటున్నారు. కొరటాల శివ పనితీరు పట్ల ఎన్టీఆర్‌ అంత సంతృప్తిగా ఏమీ లేరట! సినిమాటోగ్రాఫర్‌ రత్నవేలు(Rathna vellu) విషయంలోనూ అంతేనట! ఫ్యాన్స్‌ సోషల్‌ మీడియాలో పాజిటివ్‌ టాక్‌ వచ్చేలా చేశారు కాబట్టే సినిమా విజయం సాధించగలిగిందని, కంటెంట్ ఇంకా బలంగా ఉంటే వేరే లెవల్‌లో సినిమా ఉండేదని ఎన్టీఆర్‌ అభిప్రాయపడుతున్నారట! థియేటర్ల సంగతేమిటో కానీ ఓటీటీలో వచ్చినప్పటి నుంచి దేవర సినిమాకు బ్యాడ్‌ రివ్యూసే వస్తున్నాయి. ఓటీటీలో వ్యూవర్‌షిప్‌ కూడా పెద్దగా లేదని తెలుస్తోంది. వీటిని పరిగణనలోకి తీసుకుంటే మాత్రం దేవర 2 సినిమా ఉండకపోవచ్చని అంటున్నారు. ఒకవేళ ఉన్నా ఇప్పట్లో మాత్రం అనుమానమే!