Nana Patekar : యానిమల్ లో అతడి నటనే బాగుంది...మిగితా వారు వెస్ట్!

నానాపటేకర్‌(Nana Patekar)..దేశం లోని గొప్ప నటులలో ఒకరు. ఆయన సినిమా రంగానికి చెందిన వాడే అయినప్పటికీ సినిమాలు చూడరు. ఈ విషయాన్ని ఆయనే ఒకసారి స్వయంగా చెప్పారు.

ఎప్పుడో కానీ ఆయన సినిమాలు చూడరు. ఇటీవలి కాలంలో నానా పటేకర్‌ చూసిన సినిమా సందీప్ వంగా(Sandeep reddy vanga) తీసిన యానిమల్‌(Animal). ఈ విషయాన్ని తన తాజా చిత్రం ‘వనవాస్‌’ ప్రమోషన్‌లో భాగంగా ఒక ఇంటర్వ్యూలో చెప్పారు నానాపటేకర్‌. యానిమల్‌లో కీలక పాత్ర పోషించిన అనిల్‌ కపూర్‌ ఈ ఇంటర్వ్యూకి హోస్ట్‌గా వ్యవహరించారు. అందులో నానా పటేకర్‌ కొన్ని విషయాలు చెప్పారు. 'నేను సినిమాలు చూడటం అరుదు. నా స్నేహితుల బలవంతం చేయడంతో యానిమల్‌ చూశాను. అది కూడా కేవలం అనిల్‌ కపూర్‌(Anil kapoor) కోసం. ఆ సినిమా చూశాక అనిల్‌ కపూర్ కి కాల్‌ చేశాను. అనిల్‌ యానిమాల్‌ చూశాను అని చెప్పాను గుర్తుందా?’ అని ఎదురుగా ఉన్న అనిల్‌కపూర్‌ని అడిగారు

నానా పటేకర్‌. ఇంకా మాట్లాడుతూ ‘ఆ సినిమాలో పాత్రోచితంగా నటించింది అనిల్‌ ఒక్కడే. ఆయన నటన సమయానుకూలంగా అనిపించింది. మిగతా వాళ్లంతా ఓవరాక్షన్‌ చేశారనిపించింది’ అన్నారు నానా పటేకర్‌. ప్రస్తుతం ఆయన అన్న మాటలు సోషల్‌ మీడియాలో చక్కర్లు కొడుతున్నాయి. దేశం గర్వించదగ్గ మహానటుడు నుంచి ఇలాంటి మాటలు రావడం ప్రస్తుతం చర్చనీయాంశమైంది.