Vijay GOAT: ఆయన స్టార్ పవర్ మరోసారి రుజువైనట్లే!!
'ది గోట్' తెలుగు, ఇతర భాషా వెర్షన్‌ల కలెక్షన్‌లు
By : Sreedhar Rao
Update: 2024-09-06 04:14 GMT
తమిళ నటుడు విజయ్ కొత్త చిత్రం 'ది గోట్' భారీ అంచనాల మధ్య విడుదలైంది. ఈ చిత్రం తమిళ వెర్షన్‌లో ప్రపంచ వ్యాప్తంగా భారీ ఓపెనింగ్స్ సాధించింది. ది గోట్‌తో విజయ్ తన స్టార్ పవర్‌ను మరోసారి చూపించాడు. ఇప్పటి వరకు కోలీవుడ్‌లో ఒక్క సినిమా మాత్రమే ప్రపంచవ్యాప్తంగా 100 కోట్లకు పైగా వసూలు చేసింది. అది, లోకేష్ కనగరాజ్ దర్శకత్వం వహించిన లియో. వరల్డ్ వైడ్ గా దాదాపు 150 కోట్ల గ్రాస్ వసూలు చేసింది. ఇప్పుడు, GOAT ఎంతో సులువుగా 100 కోట్లు వసూలు చేస్తుంది. కోలీవుడ్‌లో ఏ స్టార్‌కి కూడా రెండు 100 కోట్ల ఓపెనర్లు రావడం ఇదే రికార్డు.
'ది గోట్' తెలుగు, ఇతర భాషా వెర్షన్‌ల కలెక్షన్‌లు మందకొడిగా కనిపిస్తున్నాయి. ఈ చిత్రానికి ఇతర భాషలలో విడుదలకు ముందు క్రేజ్, సరైన ప్రమోషన్లు లేవు. ఇక రిలీజ్ అయినా కూడా తెలుగులో అనుకున్నంతగా ఆకట్టుకోలేకపోయింది. కానీ, చెప్పినట్లుగా విజయ్ తన మార్కెట్‌ను మరోసారి అధిగమించాడు. ఈ చిత్రం ప్రేక్షకుల నుండి మిక్స్డ్ టాక్‌ను సాధించింది. అంతేకాకుండా వారాంతంలో కూడా మంచి సంఖ్యలను పోస్ట్ చేయనుంది. ది GOAT ప్రపంచవ్యాప్తంగా 300 కోట్లకు పైగా వసూలు చేస్తుందని ట్రేడ్ అంచనా వేస్తోంది.