Social Media Friend: సాటి మగాళ్లే.. ఆన్ లైన్ లో పరిచయమైన యువకుడిని కలవడమే అతడు చేసిన తప్పు
ఉత్తరప్రదేశ్‌లోని గోరఖ్‌పూర్‌లో 23 ఏళ్ల వ్యక్తి ఆత్మహత్యకు పాల్పడ్డాడు. నలుగురు వ్యక్తులు లైంగిక వేధింపులకు పాల్పడిన కొన్ని గంటల తర్వాత అతడు తన తనువు చాలించాడని పోలీసు అధికారులు తెలిపారు. బాధితుడికి సోషల్ మీడియా ద్వారా నిందితుల్లో ఒకరికి పరిచయం అయింది.. ఆ పరిచయమే ఇంతటి దారుణానికి కారణమైందని పోలీసు సూపరింటెండెంట్ (నార్త్) జితేంద్ర కుమార్ శ్రీవాస్తవ తెలిపారు. బాధితుడికి కరణ్ (అలియాస్ అశుతోష్ మిశ్రా)తో నెల రోజుల క్రితం ఆన్‌లైన్‌లో స్నేహం మొదలైంది. ఆ తర్వాత కరణ్ బాధితుడిని చిలువాటల్‌లోని తన ఇంటికి ఆహ్వానించాడు. గురువారం నాడు కరణ్ బాధితుడిని రైల్ విహార్‌లోని ఒక హోటల్‌కు తీసుకెళ్లాడు. అతడితో మరో ముగ్గురు సహచరులు చేరారు. నలుగురు వ్యక్తులు కలిసి బాధితుడిని బంధించారు. ఆ తర్వాత లైంగికంగా వేధించారు, బెల్టుతో కొట్టారు. ఈ ఘటనను మొత్తం రికార్డ్ చేసి, డబ్బు చెల్లించకపోతే ఆన్‌లైన్‌లో పోస్ట్ చేస్తానని బెదిరించారు.