TTD New Guidelines : తెలంగాణ ప్రజాప్రతినిధులకు టీటీడీ ప్రత్యేక గైడ్‌లైన్స్..!

తిరుమల దర్శనానికి తెలంగాణ ప్రజా ప్రతినిధులు ఇచ్చే సిఫారసు లేఖలపై ప్రభుత్వం గైడ్ లైన్స్ విడుదల చేసింది. లెటర్లు ఇచ్చేందుకు ప్రత్యేకంగా కంప్యూటర్ అప్లికేషన్ రూపోందించి, పోర్టల్‌ను ప్రజా ప్రతినిధులకు అందుబాటులోకి తీసుకరానున్నట్టు సీఎం ఓఎస్డీ వేముల శ్రీనివాసులు తెలిపారు. ఈ అంశంపై రాష్ర్ట ప్రజా ప్రతినిధులకు ఆయన లేఖ రాశారు. ఇప్పటి నుంచి ప్రజా ప్రతినిధులు ఇచ్చే లేఖలు https;//cmottd.telangana.gov.in ఈ పోర్టల్ ద్వారానే జారీ చేయాలని, ఇందులో నుంచి ఇచ్చే లేఖలకు బ్రేక్ దర్శనం, రూ. 300 దర్శనం తిరుమలలో అందుతుందని ఆయన తెలిపారు. ఈ పోర్టల్ ద్వారా ఇవ్వని లేఖలను టీటీడీ అధికారులు అంగీకరించరని వెల్లడించారు. ప్రజా ప్రతినిధులు ఇచ్చే లేఖలను ఈ పోర్టల్ ద్వారా జారీ చేయడంతో పాటు సంతకం చేసి, స్కాన్ చేసి పోర్టల్‌లో అప్ లోడ్ చేసిన తర్వాత భక్తుల సిఫారసు లేఖలకు సంబంధించిన ఒరిజినల్ కాపీని ఇవ్వాలని తెలిపారు. పోర్టల్‌ను ఓపెన్ చేసిన తరువాత టీటీడీ దర్శనం ఎంట్రీ డిటెయిల్స్, పబ్లిక్ రిప్రంజటేటివ్ రిక్వెస్ట్ లోకి వెళ్లి వివరాలు ఎంట్రీ చేయాలని ఆయన పేర్కొన్నారు. ప్రజాప్రతినిధులు ఇచ్చిన ఒరిజినల్ లెటర్‌ను , ఆధార్ జిరాక్స్‌తో పాటు తిరుమలలో అధికారులు సూచించిన కౌంటర్‌లో అందచేయాలని శ్రీనివాసులు స్పష్టం చేశారు.