Vizag Airport: విశాఖపట్నం విమానాశ్రయంలో అర్ధరాత్రి హై టెన్షన్

మంగళవారం సాయంత్రం 5.40 గంటలకు ఏఐ 471 విమానం ఢిల్లీ విమానాశ్రయం నుంచి విశాఖపట్నం బయలుదేరింది. విమానం బయలుదేరిన కొద్దిసేపటికే ఫోన్‌ చేసి విమానంలో బాంబు ఉన్నట్టు ఓ వ్యక్తి చెప్పాడు. అప్రమత్తమైన ఢిల్లీ విమానాశ్రయం అధికారులు విశాఖపట్నం విమానాశ్రయ అధికారులకు సమాచారం అందించారు. ఈ విమానం రాత్రి 8.05 గంటలకు విశాఖపట్నం చేరుకోగా 8.19 గంటలకు ఢిల్లీ విమానాశ్రయ అధికారులు సమాచారం ఇచ్చారు. ప్రయాణికులను, లగేజీని క్షుణ్ణంగా తనిఖీ చేసిన అనంతరం బయటకు పంపారు. రాత్రి 8.55 గంటలకు విశాఖ నుంచి ఢిల్లీ బయలుదేరాల్సిన విమానం తనిఖీల కారణంగా కొన్ని గంటలు విమానంలో ఆగిపోవాల్సి వచ్చింది.